فرمان الہی
نماز کے اوقات
کراچی(اسٹاف رپورٹر) پولیس نے مبینہ مقابلے کے بعد ڈکیت گینگ کے 5کارندوں کو سرغنہ سمیت سرجانی ٹاؤن سے گرفتار کرلیا، 3ساتھی فرار ہوگئے،پولیس کے مطابق ملزمان سرجانی واحد بخش گبول گوٹھ میں اندرون مکان موجود مال مسروقہ کو ٹھیکانے لگانے وفروخت کرنے کی منصوبہ بندی کر رہے تھے ،ملزمان 5غیر قانونی پستول ، چوری وچھینی گئیں 6موٹرسائیکلیں، 15موبائل فونز اور نقد رقم برآمد ہوئی ہے ملزمان اندرون کراچی سے موٹرسائیکلیں اور موبائل فونز چوری و چھین کر سرجانی ناردرن بائی پاس کے قریب اسٹور اور بلوچستان منتقل کرکے فروخت کرتے تھے، گرفتار ملزمان میں انصار علی عرف سیکیورٹی گارڈ عرف پولیس والا (جعلی) ولد امام دین، محمد فیضان عرف شانی عرف بابا ولد صلاح الدین، راشد ولد حاجی ناتھا خان، غلام سرور ولد پیر محمد اور وسیم ولد عبدالرزاق شامل ہیں، علاوہ ازیں جوہرآباد پولیس نے ایف بی ایریا کے قریب مبینہ مقابلے کے بعد زخمی سمیت دو ملزمان کو گرفتار کرکےاسلحہ اور موٹرسائیکل برآمد کرلی، زخمی ملزم کی شناخت سلیم اور دوسرے کی شناخت وجاہت کے نا م سے ہوئی، ساتھی غضنفر فرار ہوگیا۔
