فرمان الہی
نماز کے اوقات
واشنگٹن ایئر پورٹ کے قریب پیش آئے طیارہ حادثے پر امریکی صدر ڈونلڈ ٹرمپ نے سوالات اٹھا دیے۔
امریکی صدر ڈونلڈ ٹرمپ نے واشنگٹن ایئر پورٹ کے قریب مسافر طیارے اور فوجی ہیلی کاپٹر کے آپس میں ٹکرانے کے حادثے پر کہا ہے کہ فضائی حادثے کو ہونے سے روکا جانا چاہیے تھا۔
ڈونلڈ ٹرمپ نے اس حوالے سے کہا ہے کہ ہیلی کاپٹر سے طیارہ نظر آنے کا بتائے جانے پر کیا کرنا چاہیے؟ یہ کنٹرول ٹاور نے کیوں نہیں بتایا؟ حادثے کا شکار طیارہ درست حالت میں ایئرپورٹ کی جانب اپنے روٹ پر تھا۔
امریکی صدر نے کہا ہے کہ موسم بھی صاف تھا اور طیارے کی لائٹس بھی جل رہی تھیں، ہیلی کاپٹر طیارے کی جانب سیدھا آیا، وہ اوپر یا نیچے یا واپس کیوں نہیں مُڑا؟
واضح رہے کہ آج واشنگٹن ایئر پورٹ کے قریب مسافر طیارہ اور فوجی ہیلی کاپٹر ٹکرا گئے تھے۔
امریکی حکام کے مطابق واشنگٹن ڈی سی میں گر کر تباہ ہونے والے طیارے میں تقریباً 60 مسافر سوار تھے۔
