فرمان الہی
نماز کے اوقات
پاکستان تحریک انصاف (پی ٹی آئی) کے رہنما اور قومی اسمبلی میں قائد حزب اختلاف عمر ایوب کا کہنا ہے کہ وزیراعظم شہباز شریف کی آفر کو مسترد کرتے ہیں۔
جیو نیوز کے پروگرام ’کیپٹل ٹاک‘ میں گفتگو کرتے ہوئے عمر ایوب نے کہا کہ بانی پی ٹی آئی نے نیک نیتی کے ساتھ کمیٹی بنائی، ہمارے واضح مطالبات تھے۔
عمر ایواب نے کہا کہ پی ٹی آئی کے تمام گرفتار کارکنوں کو رہا کیا جائے، 9 مئی اور 26 نومبر کے واقعات پر جوڈیشل کمیشن بنایا جائے، پیکا ایکٹ پر ہمیں بات کرنے نہیں دی گئی۔
انہوں نے کہا کہ پیکا ترمیمی ایکٹ پر پیپلز پارٹی ہمارے ساتھ تھی، ان کو ہدایت آئی جس پر دوغلا پن کر دیا، پیکا ایکٹ جس دن منظوری کیلئے پیش کیا گیا ہمارے اعتراضات کو نہیں سنا گیا۔
خیال رہے کہ وزیراعظم شہباز شریف نے ایک بار پھر تحریک انصاف کو مذاکرات کی پیشکش کردی ہے۔
کابینہ اجلاس کے دوران وزیر اعظم نے کہا کہ 2018 کے انتخابات کی تحقیقات کیلئے جو پارلیمانی کمیٹی بنائی گئی تھی وہ اپنے کام مکمل کرے اور 2024 کے اتنخابات کی تحقیقات بھی پارلیمانی کمیٹی کرے۔
شہباز شریف کا کہنا تھا کہ 26 نومبر کے دھرنے کا احاطہ بھی پارلیمانی کمیٹی کرے اور 2014 کے دھرنے کا بھی احاطہ کیا جائے۔
