فرمان الہی
نماز کے اوقات
معروف سینئر اداکارہ و میزبان مشی خان نے ٹک ٹاک اکاؤنٹس اور ٹک ٹاک لائیو پر بیہودہ مواد شیئر کرنے والے پاکستانی صارفین کو آڑے ہاتھوں لیا ہے۔
مشی خان نے سوشل میڈیا اکاؤنٹ انسٹاگرام پر ایک ویڈیو پیغام شیئر کیا ہے جس میں انہیں معمول کے مطابق ڈرائیونگ کے دوران پیغام ریکارڈ کرتے ہوئے دیکھا جا سکتا ہے۔
اداکارہ کا کہنا ہے کہ ٹک ٹاک نے ابھی پاکستان میں لائیو کی سہولت متعارف نہیں کروائی مگر کچھ صارفین یو کے اور دیگر ممالک کے سم کارڈ استعمال کرتے ہوئے پاکستان میں ٹک ٹاک لائیو کر رہے ہیں اور بہت غلاظت پھیلا رہے ہیں۔
مشی خان نے کہا ہے کہ میں گزشتہ دنوں یوٹیوب پر کچھ تلاش کر رہی تھی کہ میرے سامنے ٹک ٹاک لائیو کی کچھ ویڈیوز آ گئیں، مجھ سے یہ ویڈیوز دیکھی تک نہیں گئیں، گھر بیٹھی خواتین نامناسب حرکتیں کر رہی ہیں۔
انہوں نے مزید کہا کہ ٹک ٹاک لائیو پر بہت بیہودگی پھلائی جا رہی ہے، کوئی کسی کو شیر (ٹک ٹاک لائیو پر گفٹ کا نام) مار رہا ہے تو کوئی سزا کے نام پر غلیظ حرکتیں اور گالیاں دے رہا ہے۔
اداکارہ کا کہنا ہے کہ معاشرے کا پہلے ہی برا حال ہے اور اب گھر بیٹھی خواتین اور مرد حضرات پیسے کمانے کے چکروں میں مزید بیہودگی پھیلا رہے ہیں۔
