فرمان الہی
نماز کے اوقات
سندھ، لاہور اور بلوچستان ہائیکورٹ سے 3 ججز کا اسلام آباد ہائیکورٹ میں تبادلہ کردیا گیا۔
وزارت قانون و انصاف نے ججز کے تبادلوں کا نوٹیفکیشن بھی جاری کردیا۔
لاہور ہائیکورٹ سے جسٹس سرفراز ڈوگر کا اسلام آباد ہائیکورٹ تبادلہ کیا گیا ہے۔
سندھ ہائیکورٹ سے جسٹس خادم حسین سومرو جبکہ بلوچستان ہائی کورٹ سے بلوچستان ہائیکورٹ سے جسٹس محمد آصف کا اسلام آباد ہائیکورٹ تبادلہ کیا گیا۔
ذرائع نے بتایا کہ جسٹس سردار محمد سرفراز ڈوگر چیف جسٹس عامر فاروق کے بعد سینئر موسٹ جج ہوں گے۔
ذرائع کے مطابق بلوچستان ہائی کورٹ سے آنے والے جسٹس محمد آصف حال ہی میں ایڈیشنل جج بنے تھے جبکہ سندھ ہائی کورٹ کے جج جسٹس خادم حسین سومرو 2 سال پہلے ہائی کورٹ کے جج بنے تھے۔
ذرائع کا کہنا ہے کہ اسلام آباد ہائی کورٹ کی سینارٹی لسٹ میں جسٹس خادم حسین جسٹس ثمن رفعت سے سینئر ہوں گے۔
