فرمان الہی
نماز کے اوقات
زاہد مرزا۔۔۔۔
پیکا ایکٹ کے خلاف بین الاقوامی سطح پر مزاحمت جاری ہے اس سلسلے میں برطانیہ میں بھی صحافی سراپا احتجاج رہے۔
پاکستان میں پریوینشن آف الیکٹرانک کرائمز ایکٹ (PECA) کو آزادیٔ اظہار پر قدغن قرار دیتے ہوئے صحافتی برادری اور انسانی حقوق کے کارکنان مسلسل اس کے خلاف آواز بلند کر رہے ہیں۔
اب یہ احتجاج برطانیہ تک پہنچ چکا ہے، جہاں انٹرنیشنل جرنلسٹس کونسل آف پاکستان (IJCOP) کے زیر اہتمام بریڈفورڈ میں ایک ہنگامی اجلاس منعقد ہوا۔
اس اجلاس میں تنظیم کے عہدیداروں، معروف صحافیوں، نے شرکت کی۔اجلاس کے دوران مقررین نے پیکا ایکٹ کو "کالا قانون" قرار دیتے ہوئے اس کی شدید مذمت کی۔
ان کا کہنا تھا کہ یہ قانون پاکستان میں صحافیوں، سوشل میڈیا ایکٹیوسٹس، اور انسانی حقوق کے کارکنوں کے لیے خطرہ بن چکا ہے اور اس کا مقصد آزادیٔ اظہار کو دبانا اور حکومت مخالف آوازوں کو خاموش کرنا ہے۔
اجلاس میں متفقہ طور یہ مطالبہ کیا گیا ہے کہ پیکا ایکٹ کے اس قانون کو فی الفور واپس لیا جائے اور اگر پیکا ایکٹ واپس نہ لیا گیا تو برطانیہ میں تمام سرکاری اور حکومتی تقریبات کا بائیکاٹ کر کے دنیا بھر میں اس کے خلاف احتجاج کیا جائے گا جس میں اقوامِ متحدہ، یورپی یونین، اور دیگر بین الاقوامی اداروں کو بھی شامل کیا گیا ہے۔
