فرمان الہی
نماز کے اوقات
16ویں تین روزہ کراچی لٹریچر فیسٹیول (کے ایل ایف) کے دوسرے روز پاکستان پیپلز پارٹی (پی پی پی) کی سینیٹر شیری رحمٰن نے تقریب سے خطاب کیا۔
کراچی لٹریچر فیسٹیول کے دوسرے روز ’دوستی اور سیاسی جدوجہد کے سفر‘ کے موضوع پر سیشن ہوا۔
مذکورہ مباحثے میں حصہ لیتے ہوئے شیری رحمٰن نے کہا کہ شہید محترمہ بے نظیر بھٹو ہر وقت سیکھنے کی جستجو میں لگی رہتی تھیں۔
انہوں نے ذوالفقار علی بھٹو کی یاد تازہ کرتے ہوئے کہا کہ شہید ذوالفقار علی بھٹو نے کہا کہ میں سمجھوتہ نہیں کروں گا۔
لٹریچر فیسٹیول کے پہلے روز مختلف پینل ڈسکشنز کا انعقاد کیا گیا، شام 7 بجے پاکستانی معیشت اور بزنس کلائمیٹ سے متعلق سیشن ہوا، مستقبل کی آوازوں کو فروغ دیتے ادبی ورثے سے متعلق پینل ڈسکشن بھی ہوا۔
کے ایل ایف کے پہلے روز 1940ء کی دہائی سے آج تک پاکستان کی فن و تعمیرات سے متعلق بھی ایک سیشن منعقد ہوا۔
3 روزہ کراچی لٹریچر فیسٹیول 9 فروری تک جاری رہے گا۔
اس دوران ادبی و ثقافتی میلے میں 70 سے زائد سیشنز انگریزی اردو اور سندھی زبان میں ہوں گے اور 26 کتابوں کی رونمائی کی جائے گی۔
3 روزہ فیسٹیول میں 200 ملکی اور بین الاقوامی مقررین شرکت کریں گے۔
