فرمان الہی
نماز کے اوقات
پاکستانی مزاحیہ گلوکار و یوٹیوبر چاہت فتح علی خان کی اداکارہ، ماڈل اور میزبان متھیرا کے بعد ایک اور میزبان کے ساتھ نازیبا گفتگو سوشل میڈیا پر وائرل ہو گئی، صارفین نے میزبان و مہمان دونوں کو آڑے ہاتھوں لے لیا۔
مختلف سوشل میڈیا پلیٹ فارمز پر چاہت فتح علی خان کی مختلف نئی ویڈیوز وائرل ہو رہی ہیں، جو نجی ٹی وی چینل کے پروگرامز کے بی ٹی ایس (کیمرے کے پیچھے کے مناظر) شارٹس ہیں، ان شارٹس کو پروگرام کی تشہیر کے لیے استعمال کیا گیا ہے۔
سوشل میڈیا پر وائرل ویڈیوز میں مزاحیہ گلوکار کو میزبان حنا نیازی کے ساتھ نامناسب گفتگو کرتے ہوئے دیکھا جا سکتا ہے، جس پر سوشل میڈیا صارفین ان دونوں کو شدید تنقید کا نشانہ بنا رہے ہیں۔
وائرل ویڈیوز میں سے ایک بی ٹی ایس ہے جس میں مزاحیہ گلوکار اور میزبان حنا نیازی کو پروگرام کا پرومو ریکارڈ کرواتے ہوئے دیکھا گیا۔
اس کے علاوہ سوشل میڈیا پر وائرل ایک اور ویڈیو میں ٹی وی میزبان کی جانب سے شادی سے متعلق پوچھے گئے سوال پر چاہت فتح علی خان میزبان کو شادی کی پیش کش کرتے اور ان کے ساتھ فلرٹنگ کرتے دکھائی دیے۔
یاد رہے کہ حال ہی میں چاہت فتح علی نے میزبان متھیرا کے ٹی وی پروگرام میں بطور مہمان شرکت تھی جہاں انہیں زبردستی میزبان کی کمر پر ہاتھ رکھنے پر صارفین کی جانب سے ٹرول کیا گیا تھا۔
ابھی مذکورہ واقعہ تازہ ہی تھا کہ اب ایک اور پروگرام کی میزبان کے ساتھ مزاحیہ گلوکار کی غیر مناسب گفتگو نے صارفین کے غصے کو ہوا دے دی، جس پر سوشل میڈیا صارفین نے دونوں کو آڑے ہاتھوں لے لیا ہے۔
