فرمان الہی
نماز کے اوقات
ترکیہ کے صدر رجب طیب اردوان کا کہنا ہے کہ غزہ پر قبضے کے امریکی صدر کے بیان پر بحث کرنے کا کوئی فائدہ نہیں۔
غیر ملکی خبر رساں ادارے کے مطابق رجب طیب اردوان نے کہا ہے کہ یہ منصوبہ مکمل طور پر فضول ہے۔
انہوں نے کہا کہ کسی کے پاس بھی غزہ کے لوگوں کو ان کی زمین سے نکالنے کا اختیار نہیں۔
ترک صدر کا کہنا ہے کہ غزہ کے لوگ غزہ میں رہیں گے اور غزہ کی حفاظت کریں گے۔
طیارے میں دورانِ پرواز صحافیوں سے گفتگو میں امریکی صدر نے کہا تھا کہ غزہ کو خریدنے اور اس کی ملکیت کے بیان پر قائم ہوں، فلسطینیوں کا خیال رکھیں گے ان کا قتل نہیں ہونے دیں گے۔
ان کا کہنا ہے کہ مشرقِ وسطیٰ کے دیگر ممالک کو زمین کے کچھ حصے دینے پر غور کیا جا سکتا ہے تاکہ وہاں دوبارہ تعمیر کے عمل میں مدد لی جا سکے۔
واضح رہے کہ امریکی صدر ڈونلڈ ٹرمپ نے کہا تھا کہ مشرقِ وسطیٰ کے ممالک فلسطینیوں کو اپنے ہاں بسانے پر تیار ہو جائیں گے جب میں ان ممالک سے بات کروں گا۔
