فرمان الہی
نماز کے اوقات
جوڈیشل کمیشن نے سپریم کورٹ کیلئے 6 ججز کے ناموں کی منظوری دے دی جس میں چیف جسٹس اسلام آباد ہائیکورٹ عامر فاروق بھی شامل ہیں۔
جوڈیشل کمیشن نے سپریم کورٹ میں 6 ججوں کے تقرر کی منظوری دے دی چیف جسٹس اسلام آباد ہائیکورٹ جسٹس عامر فاروق، چیف جسٹس پشاور ہائیکورٹ اشتیاق ابراہیم، چیف جسٹس بلوچستان ہائیکورٹ ہاشم خان کاکڑ، چیف جسٹس سندھ ہائیکورٹ شفیع صدیقی، سندھ ہائیکورٹ کے جسٹس صلاح الدین پنہور اور پشاور ہائیکورٹ کے جسٹس شکیل احمد کو سپریم کورٹ کا جج بنانے کی منظوری دی گئی۔
اعلامیے کے مطابق چیف جسٹس یحیٰ آفریدی کی زیر صدارت اجلاس میں جوڈیشل کمیشن نے 6 ججز کی سپریم کورٹ تقرری کی منظوری کثرت رائے سے دی۔
ذرائع کا کہنا ہے کہ جسٹس میاں گل حسن اورنگزیب کو بطور ایکٹنگ جج سپریم کورٹ تعینات کرنے کی منظوری دی گئی، جسٹس میاں گل حسن اورنگزیب کی بطورایکٹنگ جج سپریم کورٹ تقرری آرٹیکل181کے تحت کی گئی۔
ذرائع نے بتایاکہ لاہور ہائیکورٹ سے سپریم کورٹ میں جج تعینات کرنے کا معاملہ مؤخر کردیا گیا۔
