فرمان الہی
نماز کے اوقات
کراچی( اسٹاف رپورٹر )نیشنل اسٹیڈیم میں ہونے والے سہہ فریقی سیریز کے دو میچز اور آئی سی سی چیمپئیز ٹرافی کے لیے ٹریفک پلان جاری کر دیا گیا ۔ٹریفک پولیس کے مطابق 12 اور 14فروری 2025اور آئی سی سی چیمپئیز ٹرافی 2025کے میچز19، 21فروری اور یکم مارچ 2025کو نیشنل بینک اسٹیڈیم (نیشنل اسٹیڈیم )کراچی میں کھیلے جائیں گے۔ٹریفک پولیس کے مطابق سر شاہ سلیمان روڈ دونوں اطراف کے روڈ ٹریفک کیلئے کھلے رہیں گے۔اس کے علاوہ شائقین کرکٹ کیلئے پارکنگ کیلئے خصوصی ٹریفک پلان مرتب کیا گیا ہے ۔ٹریفک پولیس کے مطابق نیشنل کوچنگ سینٹر /چائنا گراؤنڈ پارکنگ کارساز سے آنے والے حضرات حبیب ابراہیم رحمت اللہ روڈ ،اسٹیڈیم فلائی اوور کے نیچے سے ہوتے ہوئے سر شاہ سلیمان روڈ پر نیشنل کوچنگ سینٹر /چائنا گراؤنڈ میں اپنی گاڑی پارک کریں۔ملینیم سے آنے والے اسٹیدیم روڈ(پیر صبغت اللہ شاہ راشدی روڈ) سے ہوتے ہوئے ، اسٹیڈیم فلائی اوور کے نیچے سے دائیں جانب سر شاہ سلیمان روڈ پر نیشنل کوچنگ سینٹر /چائنا گراؤنڈ میں اپنی گاڑی پارک کریں۔نیوٹاؤن سے آنے والے حضرات اسٹیدیم روڈ(پیر صبغت اللہ شاہ راشدی روڈ) سے ہوتے ہوئے ، آغا خان ہاسپٹل کے بعد بائیں جانب سر شاہ سلیمان روڈ پر نیشنل کوچنگ سینٹر /چائنا گراؤنڈ میں اپنی گاڑی پارک کریں۔ پولیس کے مطابق سہراب گوٹھ سے جانب نیپا، لیاقت آباد نمبر 10 سے جانب حسن اسکوائر ،پی پی چورنگی سے جانب یونیورسٹی روڈ ،کارساز سے اسٹیڈیم، ملینیم تا نیو ٹاؤن، اسٹیڈیم سگنل تا حسن اسکوائر ہر قسم کی ہیوی ٹریفک کا داخلہ ممنوع ہوگا۔
