فرمان الہی
نماز کے اوقات
بالی ووڈ اداکارہ دیپیکا پڈوکون نے انکشاف کیا ہے کہ ماضی میں انہیں اپنی زندگی کا خاتمہ کرنے کے خیالات آ چکے ہیں۔
بھارتی میڈیا کے مطابق حال ہی میں 39 سالہ دیپیکا پڈوکون نے ایک انٹرویو میں ڈپریشن کا شکار ہونے اور اس پر قابو پانے سے متعلق گفتگو کی۔
انہوں نے انکشاف کیا کہ ممبئی میں رہتے ہوئے ایک طویل وقت تک ڈپریشن کا شکار رہی۔
اداکارہ نے کہا کہ میں خاموشی سے سہتی رہی سب سے پہلے میری والدہ نے محسوس کیا کہ میرے سے ساتھ کوئی مسئلہ ہے، میرے ذہن میں خودکشی کے خیالات بھی آئے۔
انہوں نے کہا کہ 2014ء میں مجھے احساس ہوا کہ میں ڈپریشن کا شکار ہوں، ڈپریشن پوشیدہ ہوتا ہے، یہ نظر نہیں آتا، ہمارے آس پاس رہنے والے لوگ بھی شاید اس کے بارے میں نہیں جانتے۔
دیپیکا پڈوکون نے کہا کہ ہمارے آس پاس کئی لوگ ڈپریشن کا شکار ہوتے ہیں جن کے بارے میں ہمیں معلوم نہیں ہوتا کیونکہ وہ باہر سے بالکل صحیح اور خوش نظر آ رہے ہوتے ہیں۔
بالی ووڈ اداکارہ نے کہا کہ مجھ میں ڈپریشن کے بارے میں سب سے پہلے میری والدہ کو معلوم ہوا اور انہوں نے مجھے ماہرِ نفسیات سے مشورہ کرنے کا کہا۔
انہوں نے بتایا کہ میری والدہ ممبئی مجھ سے ملنے آئی تھیں اور واپسی بنگلور جاتے وقت میرے تمام اہلِ خانہ نے مجھ سے میرے کام اور دیگر معاملات کے حوالے سے ہر قسم کے سوالات پوچھے۔
دیپیکا پڈوکون نے کہا کہ اُس وقت میں نے اُن سے کہا کہ مجھے نہیں معلوم، میں خود کو صرف بے بس اور ناامید محسوس کرتی ہوں، مجھے جینا ہی نہیں ہے۔
واضح رہے کہ دیپیکا پڈوکون کی اداکار رنویر سنگھ سے شادی 14 نومبر 2018ء کو ہوئی تھی جس کے بعد 2014ء میں 9 ستمبر کو ان کے یہاں بیٹی کی پیدائش ہوئی تھی۔
