فرمان الہی
نماز کے اوقات
پرتگالی اسٹار فٹ بالر کرسٹیانو رونالڈو 2024ء سب سے زیادہ کمانے والے کھلاڑیوں میں سرِ فہرست ہیں۔
ڈیجیٹل پلیٹ فارم ’اسپورٹیکو‘ نے 2024ء میں سب سے زیادہ کمانے والے ٹاپ 100 ایتھلیٹس کی فہرست جاری کر دی جس میں کرسٹیانو رونالڈو پہلے نمبر پر ہیں، ان کی آمدن 26 کروڑ امریکی ڈالرز ہے۔
ان کی آمدنی کا بڑا حصہ سعودی عرب کے کلب النصر اور پرتگال کی قومی ٹیم کے ساتھ کھیلنے سے حاصل ہوا، جبکہ 45 ملین ڈالرز انہوں نے مختلف برانڈز کے ساتھ اشتہارات سے کمائے۔
دوسرے نمبر پر امریکی باسکٹ بال کھلاڑی اسٹیف کری رہے، جن کی کل آمدنی 153.8 ملین ڈالرز رہی، برطانوی باکسر ٹائسن فیوری 147 ملین ڈالرز کی آمدنی کے ساتھ تیسرے نمبر پر ہیں، ارجنٹائن کے فٹبالر لیونل میسی کا 135 ملین ڈالرز کی آمدنی کے ساتھ چوتھا نمبر ہے۔
ٹاپ 100 ایتھلیٹس کی فہرست میں کوئی خاتون کھلاڑی شامل نہیں ہے۔
2024ء میں امریکی ٹینس اسٹار کوکو گاف 30.4 ملین ڈالرز کی آمدنی کے ساتھ سب سے زیادہ کمائی کرنے والی خاتون کھلاڑی رہیں، لیکن وہ بھی ٹاپ 100 میں جگہ نہ بنا سکیں۔
