فرمان الہی
نماز کے اوقات
وفاقی مشیرِ قانون و انصاف بیرسٹر عقیل ملک کا کہنا ہے کہ بانیٔ پی ٹی آئی بار بار خط لکھ کر مدد مانگتے ہیں اور کہتے ہیں کہ ہمارے معاملات حل کریں۔
ٹیکسلا میں میڈیا سے گفتگو کرتے ہوئے انہوں نے کہا کہ اگلا خط بانئ پی ٹی آئی امریکی صدر ڈونلڈ ٹرمپ کو لکھیں گے اور اس کا جواب بھی نہیں آئے گا۔
بیرسٹر عقیل ملک کا کہنا ہے کہ آرمی چیف دو ٹوک مؤقف اختیار کر چکے ہیں کہ سیاست میں ان کا کوئی کردار نہیں، یہ خط کہیں موصول نہیں ہونا، اگر موصول ہو بھی گیا تو وزیرِ اعظم کو بھیجا جائے گا۔
مسلم لیگ ن کے رہنما نے کہا کہ لگتا ہے بانئ پی ٹی آئی کے قلم کی سیاہی ختم ہو جائے گی مگر خط لکھنے کی عادت ختم نہیں ہو گی۔
ان کا یہ بھی کہنا ہے کہ ہمیں خط و کتابت سے نکل کر اس قوم کا سوچنا چاہیے۔
