فرمان الہی
نماز کے اوقات
معروف امریکی اداکار، ریپر اور فلم پروڈیوسر ول اسمتھ نے 2019 کی سائنس فکشن فلم جیمنی مین پر کاپی رائٹ کے حوالے سے دائر کیا گیا 1.7 ملین ڈالر کا مقدمہ جیت لیا۔
میڈیا رپورٹ کے مطابق ہدایت کار اینگلی کی ڈائریکشن میں بننے والی اس فلم کے حوالے سے ایک وفاقی جج نے سائنس فکشن مصنف کیسنگر سبانڈا کی جانب سے ول اسمتھ کے خلاف کاپی رائٹ کے حوالے سے کیے گئے تمام دعوؤں کو مسترد کر دیا۔
گو کہ جج نے اس مقدمے کو کلی طور پر تو مسترد نہیں کیا تاہم انہوں نے 56 سالہ ول اسمتھ کے خلاف 31 جنوری کو کیے گئے دعوے مسترد کر دیے۔
کیسنگر سبانڈا نے ول، اسکائی ڈانس پروڈکشنز، جیمنی پکچرز، پیراماؤنٹ پکچرز، ڈیوڈ الیسن اور دیگر کمپنیوں کے خلاف فلم جیمنی مین پر 1.7 ملین ڈالر کا کیس فائل کیا تھا۔
امکان ہے کہ کیسنگر سبانڈا اب دیگر مدعا علیہان کے خلاف اپنے دعوے جاری رکھیں گے۔ کیسنگر سبانڈا کا دعویٰ ہے کہ جیمنی مین ان کے 2011 کے سائنس فکشن ناول دی ریٹرن ٹو جبرالٹر پر مبنی ہے۔
