فرمان الہی
نماز کے اوقات
یورپی یونین کے 2 اہم رکن ممالک فرانس اور جرمنی نے برِ اعظم یورپ کے دفاعی بجٹ میں بڑے اضافے پر مکمل اتفاق کر لیا ہے۔
غیر ملکی میڈیا کے مطابق فرانس کے دارالحکومت پیرس میں ہونے والی ملاقات میں فرانسیسی صدر امانویل میکرون اور جرمن چانسلر اولاف شولز نے اس بات پر بھی مکمل اتفاق کیا ہے کہ امن معاہدے کے بغیر یوکرین کی جنگ بندی کا ہونا خطرناک ہو سکتا ہے۔
دونوں رہنماؤں نے امریکی صدر ٹرمپ کے اس بیان سے بھی اتفاق کیا ہے جس میں ٹرمپ نے کہا تھا کہ امن طاقت سے حاصل ہو گا۔
اس ہنگامی ملاقات کا بنیادی مقصد امریکا کا یورپ کو شامل کیے بغیر روس سے مزاکرات سے جُڑے معاملات پر غور کرنا تھا۔
فرانس اور جرمن سربراہوں کی ملاقات سے قبل پیرس میں برطانوی وزیرِ اعظم کیئر اسٹارمر نے فرانسیسی صدر سے ملاقات کے بعد برطانوی فوج کو امن قائم کرنے کے لیے یوکرین بھیجنے کے لیے رضا مندی کا اظہار کیا تھا۔
