فرمان الہی
نماز کے اوقات
کرم کے علاقے اوچت میں 17 فروری کو قافلے پر کی گئی فائرنگ کے واقعے کی ایف آئی آر درج کر لی گئی۔
پولیس کے مطابق تھانہ سی ٹی ڈی میں درج کیے گئے مقدمے میں 57 سے زیادہ ملزمان کو نامزد کیا گیا ہے، مقدمے میں دہشت گردی، قتل اور اقدامِ قتل سمیت 10 دفعات شامل ہیں۔
ایف آئی آر کے مطابق 63 گاڑیوں پر مشتمل قافلے پر 2 مقامات سے فائرنگ کی گئی، دہشت گردوں کے حملے میں 8 افراد جاں بحق اور 20 شہری زخمی ہوئے۔
ملزمان نے قافلے میں شامل کئی گاڑیوں کو لوٹنے کے بعد آگ لگا دی، 19 گاڑیاں جلی ہوئی پائی گئیں۔
ایف آئی آر کے مطابق 9 گاڑیاں علیزئی پہنچیں جبکہ 33 گاڑیاں واپس آ گئیں اور 2 گاڑیاں خراب ہو گئیں۔
ایف آئی آر میں فائرنگ کے واقعے میں کالعدم تنظیم ٹی ٹی پی کے ملوث ہونے کا لکھوایا گیا ہے۔
