فرمان الہی
نماز کے اوقات
نامور بھارتی کرکٹر یوزویندر چاہل اور ان کی اہلیہ دھناشری ورما کے درمیان طلاق کی اصل وجہ سامنے آگئی۔
دونوں کے درمیان علیحدگی کی خبریں طویل عرصے سے گردش کر رہی تھیں اور اب یہ بات واضح ہو گئی ہے کہ دونوں طلاق لینا چاہتے ہیں۔
بھارتی میڈیا نے رپورٹ کیا کہ یہ جوڑا ممبئی کی ایک عدالت میں پیش ہوا تاکہ طلاق کے معاملے پر قانونی کارروائی مکمل کی جاسکے۔
بھارتی میڈیا کے مطابق عدالت میں سماعت کے دوران دھناشری اور چہل نے اعتراف کیا کہ وہ گزشتہ 18 ماہ سے الگ رہ رہے ہیں۔ جب عدالت نے طلاق کی ممکنہ وجوہات پوچھیں، تو جوڑے نے بتایا کہ انہیں آپس میں مطابقت کے مسائل درپیش تھے جس کے باعث وہ ساتھ نہیں چل سکتے۔
حال ہی میں رپورٹس سامنے آئیں کہ دھناشری ورما اور یوزویندر چہل نے اپنی طلاق کو حتمی شکل دے دی۔ تاہم دھناشری کے وکیل نے اس بات کی تردید کی ہے اور کہا کہ قانونی کارروائی ابھی جاری ہے۔
وکیل کا کہنا تھا، ’یہ معاملہ ابھی عدالت میں زیر غور ہے، اس پر کوئی تبصرہ نہیں کیا جا سکتا۔ میڈیا کو رپورٹنگ سے پہلے حقائق کی تصدیق کرنی چاہیے، کیونکہ بہت سی گمراہ کن معلومات پھیلائی جا رہی ہیں۔‘
