فرمان الہی
نماز کے اوقات
آئی سی سی چیمپئنز ٹرافی کے میچز میں اب تک کا سب سے بڑا مقابلہ پاکستان اور بھارت کے درمیان آج دبئی میں ہوگا۔
پاکستان سے بابر اور رضوان بڑا اسکور کرنے کو تیار ہیں تو بھارت کے پاس روہت شرما اور ویرات کوہلی جیسے ہتھیار موجود ہیں۔
شاہین شاہ اور نسیم وکٹیں اڑانے کو تیار ہیں تو شامی نے بھی پلٹ کر وار کی تیاری مکمل کرلی ہے۔
دبئی کے انٹرنیشنل کرکٹ اسٹیڈیم میں اس بڑے مقابلے کے لیے دونوں ٹیموں کے کھلاڑیوں نے آخری تیاریوں کے طور پر پریکٹس کی۔
بابر اعظم ٹریننگ کے لیے باہر نہیں آئے، انہوں نے ہوٹل میں ہی فزیکل ٹریننگ کی۔
گروپ اے میں پہلے میچ میں شکست کے بعد پاکستان کے پاس غلطی کی گنجائش بھی نہیں ہے، جبکہ بھارت نے اپنے پہلے میچ میں بنگلا دیش کو شکست دی۔
چیمپئنز ٹرافی ایونٹس میں دونوں ٹیمیں 5 بار آمنے سامنے آئی ہیں جن میں سے 3 بار پاکستان فاتح رہا ہے جبکہ 2 بار بھارت کو فتح حاصل ہوئی۔
