فرمان الہی
نماز کے اوقات
کراچی(نیوز ڈیسک)اے پی این ایس کا سالانہ اجلاس عام 15مارچ کو کراچی میں منعقد ہوگا ۔ناز آفرین سہگل لاکھانی کی زیرِ صدارت اے پی این ایس کی ایگزیکٹو کمیٹی کا اجلاس 22فروری کو کراچی میں منعقد ہوا۔اجلاس میں اراکین نے متفقہ طور پر سال2024-2025کی سالانہ رپورٹ اور سال2024ء کے حسابات کی رپورٹ کی منظوری دی اور حالیہ اور پرانے واجبات کی وصولی کیلئے سیکرٹریٹ کی کوششوں کا اعتراف کیا۔ایگزیکٹو کمیٹی نے سندھ اور پنجاب کی صوبائی حکومتوں کی طرف سے واجبات کی ادائیگی میں تاخیر پر تشویش کا اظہار کیا، اراکین نے اس امر پر زور دیا کہ واجبات کی عدم ادائیگی کے باعث اخبارات شدید مالی بحران کا شکار ہیں ۔ سیکرٹری جنرل اے پی این ایس سرمد علی نے دونوں صوبائی حکومتوں سے جاری مذاکرات اور انکی طرف سے واجبات کی ادائیگی کے عمل کو تیز کرنے کی یقین دہانیوں سے اجلاس کو مطلع کیا اور کہا کہ وہ واجبات کی جلد ادائیگی کیلئے تمام اقدامات بروے کار لائیں گی۔ایگزیکٹو کمیٹی نے ماہنامہ روحانی ڈائجسٹ کے بانی پبلشر خواجہ شمس الدین عظیمی کی رحلت پر افسوس اور دکھ کا اظہار کیا اور انکے ایصالِ ثواب کیلئے فاتحہ خوانی کی ۔اجلاس میں صدرناز آفرین سہگل لاکھانی ،سیکرٹری جنرل سرمد علی، جوائنٹ سیکرٹری ایس ایم منیر جیلانی ،فنانس سیکرٹری شہاب زبیری، فوزیہ شاہین، نجم الدین شیخ ، قاضی اسد عابد (روزنامہ عبرت )،فیصل شاہجہاں ، جاوید مہر شمسی، طاہر قریشی،ہمایوں گلزار، جبکہ سید اکبرطاہر ،فیصل زاہد ملک ، امتنان شاہد، محسن سیال،بلال فاروقی،وسیم احمد ،محمد اویس رازی،عثمان مجیب شامی ،عرفان اطہر ، ہمایوں طارق نے بذریعہ ذوم شرکت کی۔جبکہ ممتاز علی پھلپھوٹو نے خصوصی مبصر کے طور پر شرکت کی۔
