فرمان الہی
نماز کے اوقات
پاکستان بزنس فورم نے حکومت سے تاجروں کے لیے بجٹ میں فکسڈ ٹیکس رجیم لانے کا مطالبہ کر دیا۔
چیف آرگنائزر پاکستان بزنس فورم احمد جواد نے حکومت سے تاجروں کے لیے بجٹ میں فکسڈ ٹیکس رجیم لانے کا مطالبہ کرتے ہوئے کہا ہے کہ تاجر دوست اسکیم کے مطلوبہ نتائج سامنے نہیں آ سکے۔
پاکستان بزنس فورم کے رہنما نے بڑے دکاندار پر ماہانہ 20 ہزار روپے اور چھوٹے دکاندار پر 10 ہزار روپے ٹیکس کی سفارش کی ہے، گاؤں اور چھوٹے قصبوں کے دکانداروں پر 5 ہزار فکسڈ ٹیکس نافذ کرنے کا مطالبہ بھی کیا ہے۔
انہوں نے کہا ہے کہ اہداف پورے کرنے کے لیے فکسڈ ٹیکس کی وصولی بجلی کے بلوں سے کی جا سکتی ہے، فکسڈ ٹیکس دینے کے بعد تاجر سے کسی قسم کا مزید سوال نہ ہو۔
پاکستان بزنس فورم نے مطالبہ کیا کہ اگر معیشت چلانی ہے تو بغیر دباؤ کے فکسڈ ٹیکس رجیم کو نافذ کیا جائے۔
