فرمان الہی
نماز کے اوقات
بھارتی کرکٹر یوزویندر چاہل نے انکشاف کیا ہے کہ اہلیہ دھناشری ورما ہر لڑائی کے بعد ہیرے مانگتی تھی۔
ڈینٹسٹ سے کوریوگرافر بننے والی دھناشری ورما نے یوزویندر چاہل سے دسمبر 2020ء میں شادی کی تھی، تاحال جوڑے میں علیحدگی کی افواہیں زیر گردش ہیں۔
جوڑا اکثر سوشل میڈیا پر مبہم پوسٹیں کرتا ہے، جس کی وجہ سے قیاس آرائیاں بڑھ رہی ہیں۔
حال ہی میں ایک پرانی ویڈیو منظر عام پر آئی ہے، جس میں یوزویندر چاہل کہہ رہے ہیں دھناشری ہر لڑائی کے بعد ہیرے مانگتی ہے۔
زیر گردش ویڈیو بھارتی ٹی وی شو ’جھلک دکھلاجا سیزن 11‘ کی ہے،جس میں شو کے میزبانوں نے جوڑے کے درمیان دلچسپ مقابلہ کروایا۔
مقابلے میں دونوں کو باری باری پلے کارڈ پر لکھے لفظ کو 10 سیکنڈ میں اشارے اور کنائے میں سمجھنا تھا۔
دھناشری کے لفظ بوجھنے کی باری آئی تو اُس پر لفظ ڈائمنڈ تحریر تھا، چاہل نے اہلیہ سے کہا یہ وہی ہے جو تم ہمیشہ مجھ سے مانگتی ہو۔
اس پر اہلیہ نے جواب دیا، کیا مانگتی ہوں؟ چاہل نے مزید کہا وہی جو تم ہر لڑائی کے بعد مانگتی ہو، اس پر دھناشری نے جواب دیا، میں تو ہر لڑائی کے بعد معافی مانگتی ہوں۔
جوڑا مقررہ وقت میں لفظ نہ بوجھنے کی وجہ سے مقابلہ جیت نہ سکا اور پھر جب لفظ کا دھناشری کو پتا چلا تو وہ حیران رہ گئیں اور یوزویندر سے پوچھا میں نے تم سے کب ہیرے مانگے؟ تو کرکٹر نے وضاحت دی کہ اہلیہ نے مجھ سے کبھی ہیرے نہیں مانگے۔
بھارتی میڈیا کی متعدد رپورٹس میں دعویٰ کیا گیا ہے کہ جوڑے نے اپنے تعلقات میں کچھ مسائل کے بعد راستہ الگ کرلیا ہے۔
