فرمان الہی
نماز کے اوقات
امریکی ریاست واشنگٹن میں فلم’کیپٹن امریکا: بریو نیو ورلڈ‘ کی اسکریننگ کے دوران سنیما کی چھت گر گئی۔
فلم کی اسکریننگ کے دوران چھت گرنے کا واقعہ واشنگٹن کے شہر ویناٹچی کے لبرٹی سنیما میں پیش آیا۔
ویناٹچی فائر ڈیپارٹمنٹ نے بتایا ہے کہ یہ واقعہ تقریباً شام 8 بجے پیش آیا اور اس وقت سنیما کے اندر صرف 2 افراد موجود تھے لیکن خوش قسمتی سے کوئی زخمی نہیں ہوا۔
حکّام نے بتایا کہ چھت گرنے کے اس واقعے کی تفتیش کا آغاز کر دیا گیا ہے۔
ویناٹچی فائر ڈیپارٹمنٹ کی جانب سے سوشل میڈیا پر شیئر کی گئی ویڈیو میں دیکھا جا سکتا ہے کہ فلم اسکرین پر چل رہی ہے اور سنیما ہال کے سامنے والے حصے پر چھت کے ٹکڑے اور لکڑی کے تختے بکھرے ہوئے ہیں۔
ویڈیو میں لمبے لکڑی کے تختے چھت کے شگاف سے باہر نکلے ہوئے بھی نظر آ رہے ہیں۔
