فرمان الہی
نماز کے اوقات
بالی ووڈ اداکارہ عالیہ بھٹ نے سماجی رابطے کی ویب سائٹ سے اپنی بیٹی راہا کی تمام تصاویر ہٹادی ہیں۔
عالیہ بھٹ کی طرف سے سوشل میڈیا پلیٹ فارم انسٹاگرام سے راہا کی تمام تصاویر ہٹانے پر قیاس آرائیاں شروع ہوگئی ہیں، پوچھا جارہا ہے کہ کیا یہ سیف اور جہ واقعے کی وجہ سے کیا گیا ہے؟
اداکارہ نے طے کیا ہے اب وہ اپنی بیٹی راہا کی تصاویر سوشل میڈیا پر پوسٹ نہیں کریں گے، اسی فیصلے کے تحت انہوں نے تمام پچھلی تصاویر ہٹادی ہیں۔
حیرت انگیز بات یہ ہے عالیہ بھٹ کے مداحوں نے ان کے فیصلے کی حمایت کی اور اس اقدام کو راز داری کی درست مثال قرار دیا ہے۔
عالیہ بھٹ کے اکاؤنٹ پر فینز نے محسوس کیا کہ راہا کی تمام تصاویر ہٹادی گئی ہیں سوائے اُن کے جن میں چہرہ نظر نہیں آرہا ہے۔
اداکارہ نے صاحبزادی کی خاندانی ٹرپس کی تصاویر بھی ہٹادی ہیں جبکہ نئے سال کا البم موجود ہے لیکن وہ تصاویر نہیں ہیں، جن میں چہرہ نظر آتا ہے۔
انٹرنیٹ صارفین میں سے چند نے راہا کی تصاویر ہٹائے جانے پر تنقید کی لیکن زیادہ تر نے اس اقدام کو درست قرار دیا اور کہا کہ ہمیں بچوں اور اُن کے والدین کی پرائیویسی کا خیال رکھنا چاہیے۔
2022ء میں پیدا ہونے والی راہا اس وقت ڈھائی برس کی ہیں، والدین نے بیٹی کو 2023ء میں میڈیا کے ذریعے دنیا کے سامنے پیش کیا تھا۔
