فرمان الہی
نماز کے اوقات
انٹرنیشنل کرکٹ کونسل (آئی سی سی) نے ون ڈے پلیئرز کی نئی رینکنگ جاری کر دی۔
ون ڈے بیٹرز کی رینکنگ میں بھارت کے شبمن گل کا پہلا نمبر برقرار ہے جبکہ پاکستان کے بابر اعظم دوسرے نمبر پر موجود ہیں۔
جنوبی افریقا کے اینرخ کلاسن ایک درجے ترقی کے بعد تیسرے نمبر پر آگئے۔
بھارت کے ویرات کوہلی پانچویں سے چوتھے نمبر پر آگئے جبکہ بھارتی کپتان روہت شرما 2 درجے تنزلی کے بعد پانچویں نمبر پر چلے گئے۔
افغانستان کے ابراہیم زدران 13 درجے ترقی کے بعد 10 ویں نمبر پر آگئے اور آسٹریلیا کے اسٹیو اسمتھ 2 درجے ترقی کے بعد 16ویں نمبر پر آگئے۔
دوسری جانب ون ڈے بولرز میں سری لنکا کے مہیش تھیکشانا کا پہلا نمبر ہے جبکہ جنوبی افریقا کے کیشو مہاراج 2 درجے ترقی کے بعد دوسرے نمبر پر آگئے۔
نیوزی لینڈ کے میٹ ہنری 3 درجے ترقی کے بعد تیسرے نمبر پر آ گئے جبکہ پاکستان کے شاہین آفریدی بولرز کی رینکنگ میں نویں نمبر پر موجود ہیں۔
بھارت کے محمد شامی 3 درجے ترقی کے بعد 11ویں نمبر پر آگئے اور جنوبی افریقا کے مارکو ینسن 9 درجے ترقی کے بعد 18ویں نمبر جبکہ انگلینڈ کے جوفرا آرچر 13 درجے ترقی کے بعد 21 ویں نمبر پر موجود ہیں۔
