فرمان الہی
نماز کے اوقات
چیئرمین پاکستان کرکٹ بورڈ (پی سی بی) محسن نقوی اور بنگلادیش کرکٹ بورڈ (بی سی بی) کے صدر فاروق احمد نے مستقبل میں دونوں ممالک کے درمیان باہمی سیریز کا عندیہ دیا۔
لاہور میں میڈیا سے گفتگو میں صدر بی سی بی فاروق احمد نے کہا کہ چیئرمین پی سی بی محسن نقوی کا شکریہ جنہوں نے مدعو کیا۔
انہوں نے کہا کہ ہماری کرکٹ بہت آگے آئی ہے، دونوں بورڈز کے درمیان ایف ٹی پی کے علاوہ وائٹ بال سیریز کروانے پر بات ہوئی ہے۔
انکا کہنا تھا کہ دونوں بورڈز سیریز شیڈول کرنے پر بات چیت کر رہے ہیں۔
اس موقع پر چیئرمین پی سی بی محسن نقوی کا کہنا تھا کہ فاروق احمد کو لاہور میں سیمی فائنل کے موقع پر خوش آمدید کہتا ہوں، چیمپئنز ٹرافی کے انعقاد پر بی سی بی کے تعاون پر فاروق احمد کا شکریہ ادا کرتا ہوں۔
محسن نقوی کا یہ بھی کہنا تھا کہ دونوں بورڈز گزشتہ چند ہفتے سے باہمی سیریز پر بات کر رہے ہیں، جلد اس حوالے سے پیش رفت ہوگی۔
