فرمان الہی
نماز کے اوقات
پاکستان شوبز انڈسٹری کی معروف اداکارہ نیلم منیر کچھ عرصے پہلے دبئی میں ایک کاروباری شخص محمد ارشد کے ساتھ رشتۂ ازدواج میں منسلک ہوئی ہیں۔
نیلم منیر کی شادی کے بعد سوشل میڈیا پر یہ خبریں گردش کرنے لگی تھیں کہ اُنہوں نے شوبز انڈسٹری چھوڑ دی ہے۔
اداکارہ نے اپنی انسٹا اسٹوری پر سوشل میڈیا پر گردش کرتی ان تمام خبروں کی تردید کر دی۔
اُنہوں نے اپنی انسٹا اسٹوری میں لکھا ہے کہ میرے بارے میں بہت ساری افواہیں گردش کر رہی ہیں اس لیے میں نے سوچا کہ وضاحت دے کر غلط خبریں پھیلنے سے روک دوں۔
اداکارہ نے مزید لکھا ہے کہ ہاں! میں نے شادی کر لی ہے لیکن میں شوبز انڈسٹری نہیں چھوڑ رہی۔
اُنہوں نے یہ بھی لکھا ہے کہ اداکاری میرا جنون ہے تو میں کسی ایسی چیز کو کیسے چھوڑ سکتی ہوں جس سے مجھے بہت زیادہ محبت ہے۔
