فرمان الہی
نماز کے اوقات
بھارتی کرکٹ ٹیم نائب کپتان شبھمن گل نے کہا ہے کہ چمپئینز ٹرافی کا فائنل وہی ٹیم جیتے گی جو دباؤ سے بہتر طور پر نمٹے گی۔
شبھمن گل دبئی کرکٹ اسٹیڈیم میں فائنل سے ایک دن پہلے پریس کانفرنس کررہے تھے۔ انہوں نے کہا، ’’ہم بھارت میں ورلڈ کپ کا فائنل ہار چکے ہیں، لیکن اس بار پوری ٹیم ایک روزہ ٹورنامنٹ جیتنے کےلیے مکمل تیار ہے۔ ٹیم کا ماحول بہت زبردست ہے اور تمام کھلاڑی پرعزم ہیں۔‘‘
انھوں نے کہا کہ ’’یہ کہنا آسان ہوتا ہے کہ دباؤ نہیں ہوگا، لیکن حقیقت یہ ہے کہ ہر کھلاڑی دباؤ محسوس کرتا ہے۔‘‘
شبھمن گل موجودہ عالمی رینکنگ میں دنیا کرکٹ کے سب سے بہتر بیٹر ہیں۔ انھوں نے کہا کہ بڑے میچ کا دباؤ ہمیشہ رہتا ہے، لیکن تجربہ کار کھلاڑی دباؤ سے نمٹنے میں کامیاب ہوتے ہیں۔
انھوں نے تسلیم کیا کہ آسٹریلیا کا بولنگ اٹیک زیادہ مضبوط نہیں تھا، لیکن بھارتی ٹیم نے سیمی فائنل کے دباؤ میں وکٹیں گنوائیں تھیں۔
بھارتی ٹیم کی بیٹنگ لائن اپ کو اس وقت دنیا کی مضبوط ترین بیٹنگ لائن اپ قرار دیتے ہوئے، گل نے مزید کہا، ’’ہماری کوشش ہوتی ہے کہ میچ کی صورتحال کے مطابق کھیلیں۔ بطور بیٹر میں ہمیشہ موقع کی مناسبت سے شاٹس کھیلنے کی کوشش کرتا ہوں۔‘‘
