فرمان الہی
نماز کے اوقات
پاکستان شوبز انڈسٹری کی معروف اداکارہ سعدیہ امام نے بیٹی کی پیدائش کے بعد اداکاری چھوڑنے کی وجہ بتا دی۔
سعدیہ امام نےحال ہی میں نجی ٹی وی کی رمضان ٹرانسمیشن میں بطور مہمان شرکت کی جہاں اُنہوں نے بیٹی کو اپنے کیریئر پر ترجیح دینے کے بارے میں بات کی۔
اُنہوں نے بتایا کہ مجھے لگتا ہے کہ ابھی میری توجہ صرف اپنی بیٹی میرب پر ہے کیونکہ اگر میں نے اس عمر میں بیٹی کی تربیت نہیں کی تو میں بطور ماں ناکام ہو جاؤں گی۔
اداکارہ نے کہا کہ شوبز کیریئر میں واپسی تو کسی بھی وقت ہو سکتی ہے اور اب چونکہ میں ہیروئن نہیں رہی تو میں ماں یا پھر کوئی بھی اور کردار ادا کر سکتی ہوں۔
اُنہوں نے یہ بھی کہا کہ میرے پاس اب بھی انڈسٹری میں کام کرنے کا موقع ہے کیونکہ مجھے اداکاری کا جنون ہے جسے میں کسی بھی وقت پورا کر سکتی ہوں۔
