فرمان الہی
نماز کے اوقات
اسٹیٹ بینک آف پاکستان نے بتایا ہے کہ رواں مالی سال کے ابتدائی 8 ماہ میں بیرونی سرمایہ کاری 11 اعشاریہ 8 فیصد بڑھی ہے۔
اسٹیٹ بینک آف پاکستان کے مطابق پاکستان میں فروری2025ء میں 6 کروڑ 8 لاکھ ڈالرز کی بیرونی سرمایہ کاری ہوئی، اس کے علاوہ نجی شعبے میں فروری میں 7 اعشاریہ 32 کروڑ ڈالرز کی بیرونی سرمایہ کاری ہوئی۔
اسٹیٹ بینک کی جانب سے بتایا گیا ہے کہ ملکی سرکاری شعبے سے فروری میں 1 اعشاریہ 24 کروڑ ڈالرز نکالے گئے۔
رواں مالی سال جولائی تا فروری ملک میں 1 اعشاریہ 40 ارب ڈالرز کی بیرونی سرمایہ کاری کی گئی۔
اس دوران نجی شعبے میں بیرونی سرمایہ کاری 14 اعشاریہ 3 فیصد کے اضافے سے 1 اعشاریہ 36 ارب ڈالرز رہی جبکہ مالی سال کے 8 ماہ میں براہِ راست سرمایہ کاری 41 فیصد بڑھ کر 1 اعشاریہ 61 ارب ڈالرز رہی۔
اسٹاک مارکیٹ سے 8 ماہ میں 25 اعشاریہ 36 کروڑ ڈالرز بیرونی سرمایہ کاروں نے نکالے، سرکاری شعبے میں مالی سال کے8 ماہ میں 4 اعشاریہ 26 کروڑ ڈالرز کی بیرونی سرمایہ کاری ہوئی۔
