فرمان الہی
نماز کے اوقات
پاکستان فلم و ٹی وی انڈسٹری کی معروف اداکارہ حریم فاروق نے اپنی شادی سے متعلق پوچھے گئے سوال پر دلچسپ جواب دیا ہے۔
اداکارہ نے حال ہی میں نجی ٹی وی چینل کے مارننگ شو میں بطور مہمان شرکت کی۔
اس موقع پر حریم فاروق نے متعدد سوالوں کے جواب دیے اور دلچسپ موضوعات پر اپنی رائے کا اظہار کیا۔
اداکارہ حریم فاروق نے اپنی شادی کے موضوع پر بھی کھل کر بات کی۔
اداکارہ حریم فاروق نے شادی پر اپنی رائے کا اظہار کرتے ہوئے کہا کہ کامیاب شادی کا معیار یہ نہیں ہوتا ہے کہ لڑکی کو برتن دھونا اور گھر کے کام آتے ہوں، یہ بھی ضروری کام ہیں، گھر کے کام آنے چاہئیں مگر کامیاب شادی کے لیے ایک دوسرے کو سمجھنا، پیار اور صبر کرنا ضروری ہے۔
اداکارہ نے بتایا کہ میں اپنے گھر میں بھی کبھی کبھار برتن دھو لیتی ہوں، شادی کے بعد بھی گھر کے کام کیے جا سکتے ہیں، اس میں کوئی مضائقہ نہیں ہے۔
اداکارہ نے ایک سوال کے جواب میں ہنستے ہوئے کہا کہ آج کل شادی سے متعلق بہت سوالات کیے جا رہے ہیں، کہیں میری شادی ہو ہی نہ جائے۔
ادکارہ نے مذاق میں کہا کہ میں نے یہ بہت دیکھا ہے کہ جو فہد مصطفیٰ کے شو میں جاتا ہے یا اداکار عثمان مختار کے ساتھ کام کرتا ہے اس کی شادی ہو جاتی ہے۔
حریم فاروق نے کہا کہ میں ان دونوں شخصیات کے ساتھ کام کر چکی ہوں مگر میری شادی ہی نہیں ہو رہی ہے، لگتا ہے میری شادی پر جو بندش ہے وہ ختم ہی نہیں ہو رہی۔
اداکارہ نے یہ بھی کہا کہ میرے گھر والے مجھے شادی سے متعلق پوچھتے ہیں، میرے پاس تو کوئی رشتہ نہیں ہے، گھر والوں سے کہا ہے کہ آپ رشتہ ڈھونڈیں میں شادی کر لوں گی۔
