فرمان الہی
نماز کے اوقات
(1)(1)(1)(2)(1)(1)(1)(1)(1)(1)(2)(1)(1)_updates.jpg)
اماراتی صدر شیخ محمد بن زاید نے امریکی صدر ڈونلڈ ٹرمپ سے ٹیلی فونک رابطے میں غزہ کی سنگین انسانی صورتِ حال پر تشویش کا اظہار کیا ہے۔
امریکی صدرڈونلڈ ٹرمپ اور اماراتی صدر شیخ محمد بن زاید میں ٹیلی فونیک رابطہ ہوا ہے جس کے دوران مشرقِ وسطیٰ اور غزہ پر طویل گفتگو کی گئی۔
اس موقع پر صدر ڈونلڈ ٹرمپ اور اماراتی صدر نے غزہ جنگ بندی اور علاقائی استحکام کو برقرار رکھنے پر گفتگو کی۔
شیخ محمد بن زاید نے غزہ کی سنگین انسانی صورتِ حال پر تشویش کا اظہار کیا اور وہاں فوری امداد یقینی بنانے کی ضرورت پر زور دیا۔
اماراتی صدر نے کہا کہ دو ریاستی حل ہی امن و استحکام کی ضمانت دے گا۔
اس کے علاوہ دونوں صدور کے درمیان امریکا امارات میں تمام شعبوں میں تعلقات مضبوط بنانے پر بھی بات چیت ہوئی۔
