• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سلمان خان نے منوج کمار کو سچا لیجنڈ قرار دے دیا

بالی ووڈ سپر اسٹار سلمان خان نے بالی ووڈ کے سینیئر اداکار منوج کمار کو سچا لیجنڈ قرار دیتے ہوئے کہا: ناقابل فراموش فلموں پر آپکا شکریہ۔

واضح رہے کہ منوج کمار جمعہ کو 87 برس کی عمر میں ممبئی کے اسپتال میں چل بسے جہاں وہ 21 فروری سے پیرانہ سالی اور صحت کے مسائل کی وجہ سے زیر علاج تھے۔ 

سلمان خان نے آج انکی موت پر انھیں خراج عقیدت پیش کرتے ہوئے کہا کہ انھوں نے اپنے پیچھے ہندی سنیما کی میراث چھوڑی ہے جس کے لیے ہم ان سے اظہار تشکر کرتے ہیں۔ 

اپنے آفیشل ایکس اکاؤنٹ پر بالی ووڈ سپر اسٹار نے ہندی سنیما کے آئیکون کے لیے دل کو چھوہ لینے والا نوٹ بھی تحریر کیا۔

انھوں نے لکھا: منوج کمار جی، ایک سچے لیجنڈ تھے: ناقابل فراموش فلموں پر آپکا شکریہ۔ انھوں نے مزید لکھا کہ فلمیں اور یادیں، لیجنڈری اداکار کی خدمات کو خراج عقیدت پیش کرتے ہیں، جو اپنی حب الوطنی پر مبنی آئیکونک کرداروں کے حوالے سے بھارت کمار کے طور پر جانے جاتے تھے۔ 

واضح رہے کہ بہت سے لوگوں کو شاید یہ بات معلوم نہ ہو کہ سلمان خان کے والد اور معروف اسکرین رائٹر سلیم خان اور منوج کمار نے 1981 کی فلم کرانتی میں اکٹھے کام کیا تھا۔

انٹرٹینمنٹ سے مزید