فرمان الہی
نماز کے اوقات
ریاض (شاہدنعیم) سابق امیر جماعت اسلامی پاکستان سراج الحق نے کہا ہے کہ پاکستان مضبوط ہوگا تو امت مسلمہ مضبوط ہوگی اور پاکستان تمام طرح کے چیلنجز سے نکل رہا ہے اور ترقی کی راہ پر گامزن ہے۔ان خیالات کا اظہار انہوں نے سعودی دارالحکومت ریاض میں مجلس پاکستان کی جانب سے منعقدہ تقریب سے خطاب کرتے ہوئے کیا۔ تقریب میں پاکستانی کمیونٹی کے اراکین نے بڑی تعدادشرکت کی۔ سراج الحق کا کہنا تھا کہ سعودی عرب اور پاکستان کی دوستی لازوال ہے یہاں لاکھوں کی تعداد میں پاکستانی کام کر رہے ہیں جو ملکی معیشت میں ریڑھ کی ہڈی کی مانند ہیں پاکستان اسلامی دنیا کا اہم ترین ملک ہے جسکی مضبوطی امت مسلمہ کی مضبوطی ہے اس لیے ہمیں ملکر پاکستان ہر لحاظ سے پائیدار اور مستحکم بنانا ہوگا پاکستان بہتری کی جانب گامزن ہے۔ پاکستان درخشاں دور میں داخل ہورہا ہے۔ تقریب سے مجلس پاکستان کے صدر رانا عبدالرؤف نے خطاب کرتے ہوئے کہا کہ اوورسیز پاکستانیوں نے ہمیشہ ملک و قوم کی ترقی اور خوشحالی میں اپنا نمایاں کردار ادا کیا ہے اور ہم سمجھتے ہیں کہ پاکستان کو معاشی طور پر مستحکم بنانے میں ہر طبقے کو آگے بڑھ ساتھ دینے کی ضرورت ہے۔ تقریب سے سید ثاقب زبیر، میاں عبدالحامد، نسیم پاشا اور دیگر نے بھی اظہار خیال کیا۔
