فرمان الہی
نماز کے اوقات
پاکستان شوبز انڈسٹری کی اداکارہ، ماڈل، گلوکارہ و میزبان فضا علی نے شادی شدہ خواتین کو شوہروں کی بات ماننے کا مشورہ دیا ہے۔
اداکارہ فضا علی کا سوشل میڈیا پر ایک مختصر سا ویڈیو کلپ وائرل ہے جس میں انہیں اپنی مثال دے کر شادی شدہ خواتین کو سمجھاتے ہوئے دیکھا جا سکتا ہے۔
فضا علی کا اپنے بیان میں کہنا ہے کہ اگر مجھے میرا شوہر کہتا ہے کہ شوبز انڈسٹری چھوڑ دو تو میں یہ انڈسٹری چھوڑ دیتی، میں کام نہیں کرتی، وہ جیسے بھی جتنا بھی کماتا میں گزارا کرتی اور اپنے شوہر کو سپورٹ کرتی۔
ان کا کہنا ہے کہ میں اپنے شوہر کے کہنے اور اجازت سے ہی انڈسٹری میں کام کرتی۔
اداکارہ ویڈیو میں مزید کہہ رہی ہیں کہ اگر میرا شوہر مجھے سر پر دوپٹہ لینے اور پردہ کرنے کا کہتا تو میں ساری زندگی سر پر دوپٹہ لیتی اور پردہ کرتی۔
فضا علی نے کہا کہ اگر آپ کے شوہر بھی آپ کو چھوٹی موٹی نمک برابر کوئی بات کہتے ہیں تو برداشت کر لیا کریں۔
فضا علی کا شادی شدہ عورتوں کو یہ مشورہ دینا انٹرنیٹ صارفین کو ذرا نہیں بھایا ہے۔
اداکارہ کی اس ویڈیو پر طنزیہ تبصروں کا سلسلہ جاری ہے۔
