فرمان الہی
نماز کے اوقات
ایران کے صوبے سیستان میں 8 پاکستانی کار مکینکس کو قتل کردیا گیا۔
سفارتی ذرائع کے مطابق قتل کیے گئے 8 پاکستانی ایرانی صوبے سیستان کے علاقے مہرستان میں کام کرتے تھے۔
ذرائع کے مطابق ایرانی حکام پاکستانی کار مکینکس کے قتل کے واقعے کی تحقیقات کر رہے ہیں۔
سفارتی ذرائع کا کہنا ہے کہ قانونی کارروائی کے بعد مقتول پاکستانیوں کی لاشیں وآپس بھجوانے کے اقدامات کیے جائیں گے۔
ذرائع کے مطابق حملہ آوروں نے ورکشاپ میں داخل ہو کر پہلے 8 افراد کے ہاتھ پیر باندھے اور پھر گولیوں سے نشانہ بنایا۔
سفارتی ذرائع کے مطابق جاں بحق افراد میں پانچ کی شناخت ہوگئی ہے، جن میں جعفر، دانش ناصر ورکشاپ کا مالک دلشاد اور اس کا بیٹا نعیم شامل ہیں۔
