فرمان الہی
نماز کے اوقات
کراچی (نیوز ایجنسی ) جماعت اسلامی ضلع کیماڑی کی جانب سے روبی موڑ بلدیہ ٹائون میں ʼʼغزہ فیملی نائٹʼʼ کا انعقاد کیا گیا، جہاں غزہ کے مظلوم عوام سے محبت اور یکجہتی کابھرپور مظاہرہ کیا گیا۔ اس تقریب میں بچوں اور خواتین سمیت شہریوں نے بڑی تعداد میں شرکت کی۔پروگرام میں امیر جماعت اسلامی کراچی منعم ظفر خان، امیر ضلع کیماڑی فضل احد سمیت قائدین جماعت علماءاور سیاسی و سماجی شخصیات نے شرکت کی ۔ انہوں نے کہا کہ مسلم حکمران خاموشی توڑیں، فلسطین کی سفارتی اور عسکری محاذ ہر مدد کریں۔انہوں نے مزید کہ کہ 13 اپریل کو ہونے والا غزہ یکجہتی مارچ، ایک پیغام ہوگا کہ پاکستان ہمیشہ فلسطینی عوام کے ساتھ ہے اور ان کے حقوق کے لیے ہر قربانی دینے کے لیے تیار ہے۔ ہم اس مارچ میں دنیا کو دکھا دیں گے کہ ہماری پاک سرزمین کے لوگ ہر محاذ پر فلسطین کے ساتھ ہیں۔ تقریب میں بچوں کے لیے، تقریری مقابلے، آرٹ کمپٹیشن، فیس پینٹنگ، جھنڈوں اور مفلرز کی تقسیم، کھانے پینے کے اسٹالز اور گیمز وغیرہ کا اہتمام کیا گیا تھا۔ اس موقع پر فلسطین کی تاریخ، مزاحمت اور اسرائیلی مظالم کے حوالے خصوصی گیلری بنائی گئی تھی۔ جماعت اسلامی کراچی کے امیر، منعم ظفر خان نے اپنی گفتگو میں کہا کہ فلسطین کا مسئلہ صرف ایک جغرافیائی تنازع نہیں بلکہ یہ ہمارے ایمان، انسانیت اور اصولوں کا مسئلہ ہے۔ آج فلسطینی عوام کی بے بسی اور اسرائیلی جارحیت دیکھ کر ہمارے دل تڑپتے ہیں، لیکن اس کا یہ مطلب نہیں کہ ہم ان مظالم کو نظرانداز کریں گے۔ ہماری حمایت صرف لفظوں تک محدود نہیں ہونی چاہئے ہے بلکہ ہمیں اب عمل کے میدان میں اترنا ہوگا۔ آج وقت آ گیا ہے کہ ہم اپنے حکمرانوں سے بھی کہیں کہ وہ اپنی خاموشی توڑیں۔
