• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پیپلز پارٹی نے کراچی میں پانی کا ایک بوند کا بھی اضافہ نہیں کیا، علی خورشیدی

آج کا اخبار
شہر قائد/ شہر کی آواز
13 اپریل ، 2025
کراچی (اسٹاف رپورٹر )اپوزیشن لیڈر سندھ اسمبلی علی خورشیدی نے شہر کراچی میں پانی کی قلت پر شدید تشویش کا اظہار کرتے ہوئے کہا کہ 17 سالہ حکومت میں پیپلزپارٹی نے کراچی میں پانی کا ایک بوند کا بھی اضافہ نہیں کیا۔کوئی جیالوں کو بتائے پریس کانفرنسوں سے عوام کے گھروں میں پانی نہیں آتا۔ پانی کی قلت نے کراچی میں ٹینکر مافیا کو بے لگام کر دیا ہے،سندھ حکومت کی نااہلی کی وجہ سے پانی بھی نہیں اور اب جان کا تحفظ بھی نہیں.پانی کے لئے ترستی عوام ٹینکر کے پہیوں تلے کچلے جا رہے ہیں.پانی کا بحران مصنوعی نہیں سندھ حکومت کی بدانتظامی کا نتیجہ ہے۔انہوں نے کہا کہ سندھ حکومت نے کراچی کو کربلا بنادیا ہے۔ پانی جیسی بنیادی سہولت فراہم نہ کرنا حکومتی ناکامی ہے.سندھ حکومت نے کراچی کو بے یار و مددگار چھوڑ دیا ہے۔
شہر قائد/ شہر کی آواز سے مزید