فرمان الہی
نماز کے اوقات
پاکستان کرکٹ ٹیم کے سابق کپتان شاہد آفریدی کا کہنا ہے کہ اگر اُن کا اثر و رسوخ ہوتا تو آج وہ پی سی بی کے چیئرمین ہوتے، اگر وہ پی سی بی میں آئے تو پاکستان کی خاطر آئیں گے انہیں کوئی کنٹریکٹ نہیں چاہیے۔
شاہد آفریدی نے گلگت میں میڈیا سے گفتگو کرتے ہوئے کہا کہ اُن کے دور میں قومی کرکٹ ٹیم میں میچ ونرز بہت تھے اب اتنے میچ ونرز نہیں ہیں، ہمیں نچلے لیول میں تگڑے لوگ چاہئیں تاکہ وہ پلیئرز کی اچھی ٹریننگ کر سکیں۔
سابق کپتان پاکستانی ٹیم نے کہا کہ ڈومیسٹک کرکٹ کا اسٹرکچر کسی بیوروکریٹ کو دیا جائے تو کسی کو کچھ سمجھ نہیں آئے گا۔
شاہد آفریدی کا کہنا تھا کہ پی سی بی کا چیئرمین جو بھی آتا ہے وہ سیاسی بنیاد پر آتا ہے، چہرے بدلنے سے سسٹم نہیں بدلتا، گلگت بلتستان میں ٹیلنٹ کو آگے لانا ہے تو گراؤنڈز فراہم کیے جائیں۔
