فرمان الہی
نماز کے اوقات
شائقین کا انتظار ختم ہونے والا ہے، رانی مکھرجی کی فلم ’مردانی 3‘ کی ریلیز کی تاریخ کا اعلان کر دیا گیا۔
بالی ووڈ کی نامور اداکارہ رانی مکھرجی ایک بار پھر سخت گیر پولیس افسر شیوانی شیواجی راؤ کے روپ میں بڑی اسکرین پر جلوہ گر ہونے والی ہیں۔
یش راج فلمز نے رانی مکھرجی کی کرائم ایکشن تھرلر فلم ’مردانی 3‘ کی ریلیز کا باقاعدہ اعلان کر دیا ہے، جو ہولی کے تہوار پر 27 فروری 2026ء کو سنیما گھروں کی زینت بنے گی۔
انسٹاگرام پر فلم کے پوسٹرز شیئر کرتے ہوئے یش راج فلمز نے لکھا ہے کہ گنتی شروع ہو چکی ہے، مردانی 3 آنے والی ہے۔
فلم کے ایک اور پوسٹر میں ہدایت کار ابھراج منا والا اور پروڈیوسر آدیتیہ چوپڑا کے نام بھی نمایاں کیے گئے ہیں۔
رانی مکھرجی نے اس حوالے سے کہا ہے کہ ’مردانی 3‘ ایک انتہائی سنسنی خیز، خطرناک اور بھرپور ایکشن سے سجی فلم ہو گی، جس کی شوٹنگ اسی ماہ شروع کی جائے گی۔
رانی مکھر جی کے مطابق یہ کردار ان بے آواز اور دلیر پولیس اہلکاروں کے لیے خراجِ تحسین ہے جو ہر دن ہماری حفاظت کے لیے اپنی جانیں داؤ پر لگاتے ہیں۔
یاد رہے کہ ’مردانی‘ سیریز کی پہلی فلم 2014ء میں ریلیز ہوئی تھی، جب کہ اس کا سیکوئل ’مردانی 2‘ 2019ء میں پیش کی گئی تھی۔
