• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بیپرا رولز مسترد‘ اخباری صنعت کو نقصان پہنچے گا‘ اے پی این ایس

میرا شہر
کوئٹہ
24 اپریل ، 2025
کوئٹہ(پ ر) اے پی این ایس کی صوبائی کمیٹی کا اجلاس کے مقامی ہوٹل میں چیئرمین وسیم احمد کی صدارت میں ہوا۔ اجلاس میں دیگر مسائل سمیت3اہم مسائل پر گفتگو کرتے ہوئے اس بات پر زور دیا گیا کہ ڈی جی پی آر کے اشتہارات کی مد میں بجٹ میں خاطر خواہ اضافہ کیا جائے اور گزشتہ 6 ماہ سے اخبارات کےبلوں کی مد میں رکی ہوئی ادائیگی کی جائے ۔ اجلاس میں بیپرارولز کو مسترد کرتے ہوئے کہاگیا کہ چند عناصر حکومت کو گمراہ کن مشورے دے رہے ہیں جس سے کرپشن کو فروغ ملے گا اور اخباری صنعت کو نقصان پہنچے گا جبکہ کارکنوں کے بےروزگارہونے کا اندیشہ پیدا ہو جائے گا۔ اجلاس میں اخبارات کے دفاتر کی سیکورٹی مسائل پر تشویش کا اظہار کرتے ہوئے حکومت سے مطالبہ کیا گیا کہ اخبارات کے دفاتر کو سیکورٹی فراہم کی جائے۔ اجلاس میں اے پی این ایس کے صدر سرمد علی اور چیئرمین بلوچستان کمیٹی وسیم احمد کا شکریہ ادا کیا گیا جنہوں نے اسلام آباد میں بھرپور انداز میں بلوچستان کے اخبارات کی نمائندگی کی۔اجلاس میں ریاض الحسن قاضی(جنگ)،انور ناصر ( بلوچستان نیوز)طارق بلوچ ( بلوچستان ایکسپریس )ظفر بلوچ ( پبلک کوئٹہ ) اورکلیم صادق ( شال)نے شرکت کی۔
کوئٹہ سے مزید