• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران کی 190 ملین پاؤنڈز ریفرنس فیصلے کیخلاف اپیل رواں سال مقرر ہونے کا امکان نہیں، رجسٹرار اسلام آباد ہائیکورٹ

آج کا اخبار
ملک بھر سے
02 مئی ، 2025
اسلام آباد (نمائندہ جنگ) اسلام آباد ہائی کورٹ میں زیر سماعت 190ملین پاؤنڈز ریفرنس کے فیصلے کیخلاف اپیلوں میں بڑی پیشرفت ، رواں برس 2025میں بانی پی ٹی آئی کی اپیل مقرر ہوتی نظر نہیں آتی۔ رجسٹرار اسلام آباد ہائیکورٹ نے رپورٹ عدالت میں جمع کرا دی۔ رجسٹرار آفس کی جانب سے قائم مقام چیف جسٹس کے بنچ میں جمع کرائی گئی رپورٹ کے مطابق اسلام آباد ہائیکورٹ میں سزا کیخلاف اپیلیں صرف اپنے نمبر پر ہی سماعت کیلئے مقرر ہوں گی۔ اسلام آباد ہائیکورٹ میں اس وقت سزا یافتہ مجرموں کی279 اپیلیں زیر التوا ہیں۔ سزائے موت کیخلاف 63 اور عمر قید کی سزا کے خلاف 73 اپیلیں زیر التوا ہیں۔ بانی پی ٹی آئی کی 14 سال قید کی سزا کیخلاف اپیل 31 جنوری 2025 کو دائر ہوئی۔ نیشنل جوڈیشل پالیسی میکنگ کمیٹی کی ہدایات کے مطابق یہ اپیل 2025 میں مقرر ہونے کا امکان نہیں۔
ملک بھر سے سے مزید