فرمان الہی
نماز کے اوقات
فرانس میں مقیم پاکستانی و کشمیری کمیونٹی اورسیز میں انڈیا کے جھوٹے الزامات اور امن تباہ کرنے لئے دھمکیوں سمیت پانی معاہدہ کی منسوخی کے خلاف روزانہ کی بنیاد مظاہرے احتجاج اور ریلیاں نکالنے کے دعویٰ کو سچ کر دکھایا ۔
بھارت کے جھوٹے الزامات اور دھمکیوں کے خلاف یکم مئی کو پیرس کے اہم سیاحتی مقام ایفل ٹاور پر بھرپور مظاہرہ اور ریلی نکالی اور انڈیا کو اہم میسج کے ساتھ ساتھ فرانسیسی عوام اور حکومت پر واضح کیا کہ انڈیا جنگ کے ذریعے نہ صرف خطے کا امن تباہ کرنا چاہتا ہے بلکہ وہ جنگی عزائم سے موسمیاتی تبدیلیوں میں پیدا شدہ ماحولیاتی تبدیلیوں میں مزید اضافہ کر کے دنیا کو تباہ کرنے پر تلا ہوا ہے۔
احتجاجی مظاہرے میں پاکستانی صحافیوں کی سب سے بڑی تنظیم کے صدر معروف صحافی افضل بٹ، کشمیری رہنما زاہد اقبال ہاشمی پاکستان بزنس فورم فرانس کے چیئرمین سردار ظہور اقبال، پی ٹی آئی کے صدر عابد ملک، یاسر قدیر، میاں ذوالفقار جتالہ نعیم چوہدری، چوہدری ذوالفقار نکیال، افضال ڈھل، راجہ طاہر سدوال، صاحبزادہ عتیق الرحمٰن، یاسر مردان عبدالقادر طاہر رزاق چوہدری منیر وڑائچ و دیگر نے بھاری تعداد میں شرکت اور ریلی کی قیادت بھی کی۔
جنگ سے گفتگو میں ان کا کہنا تھا ہم امن پسند قوم ہیں اگر ہم پر جنگ مسلط کی گئی تو ہم اپنی مسلح افواج کے شانہ بشانہ اور چیف آف آرمی اسٹاف سید عاصم منیر کے ساتھ کھڑے ہوں گے اور وطن عزیز پاکستان کے دفاع کے لیے تن من دھن کی بازی لگا دیں گے اور انڈیا پر ثابت کردیں کہ جب وطن کی بات آئے تو ہم متحد ہیں اور سیسہ پلائی ہوئی دیوار ہیں۔
مظاہرین پاکستان زندہ باد مودی ٹیررسٹ کے نعرے لگاتے رہے، مظاہرہ کئی گھنٹے جاری رہا۔ مقامی لوگ اور سیاحوں کی بھاری تعداد کی توجہ مظاہرین پر مذکور رہی، بعض مظاہرے کے اسباب پوچھتے نظر آئے اور بھارتی ہٹ دھرمی پر برہم ہوئے۔
