فرمان الہی
نماز کے اوقات
بیرونِ ملک موجود متنازع یوٹیوبر، ٹک ٹاکر و کانٹینٹ کری ایٹر رجب بٹ کے پاکستان واپس آنے سے متعلق سوشل میڈیا پر چہ مگوئیاں جاری ہیں۔
اداکار رجب بٹ گزشتہ ماہ اپنی ایک متنازع ویڈیو اور پرفیوم کے نام کے سبب تنازع کا شکار ہو گئے تھے، وہ ان دنوں توہین مذہب کے الزامات کا سامنا کر رہے ہیں، مقدمہ درج ہونے اور قتل کی دھمکیوں کے پیشِ نظر رجب بٹ پاکستان سے سعودی عرب چلے گئے تھے۔
رجب بٹ نے سعودی عرب میں ناصرف عمرہ ادا کیا تھا بلکہ مسجدالحرام میں مطاف میں کھڑے ہو کر مداحوں سے معافی بھی مانگی تھی۔
رجب بٹ گزشتہ ماہ دبئی اور لندن میں مقیم رہے۔ حال ہی میں اداکار کی جانب سے اپنے انسٹاگرام پر نئی اسٹوری شیئر کی تھی جس میں انہیں کسی خاتون غالباً اپنی والدہ کا ہاتھ تھامے دیکھا گیا تھا۔
اس پوسٹ کا وائرل ہونا ہی تھا کہ رجب بٹ کے مداح و سوشل میڈیا صارفین میں چہ مگوئیاں شروع ہو گئیں کہ ٹک ٹاکر پاکستان واپس آ چکے ہیں۔
دوسری جانب رجب بٹ یا ان کے کسی دوست کی جانب سے ان افواہوں پر تاحال کوئی ردِ عمل کا اظہار نہیں کیا گیا ہے۔
یاد رہے کہ گزشتہ ماہ ایک پوڈکاسٹ میں انٹرویو کے دوران رجب بٹ نے ایک سوال کے جواب میں کہا تھا کہ میں دبئی سے قطر اور پھر لندن جانے کا ارادہ رکھتا ہوں۔
پاکستان واپسی سے متعلق ان کا کہنا تھا کہ ابھی ایک خاص اجازت کا انتظار ہے، انشاءاللّٰہ میں پاکستان آؤں گا، کیوں نہیں آؤں گا، میرا ملک ہے، میں ضرور واپس آؤں گا، لیکن کچھ ہائی کمانڈز کی جانب سے اجازت آئے گی تو فوراً واپسی ہوگی۔
