فرمان الہی
نماز کے اوقات
پاکستان کے خلاف اشتعال انگیز گفتگو کرنے والے بھارتی ٹی وی میزبان ارناب گوسوامی کے پروگرام میں پاک افواج کی صلاحیتوں کی گونج سنائی دی۔
گزشتہ شب بھارت نے پاکستان کے مختلف مقامات پر میزائل حملے کیے جس کا پاک افواج نے منہ توڑ جواب دیا۔
6 اور 7 مئی کی درمیانی شب پاکستان پر ہونے والے بھارتی حملوں کی میڈیا کوریج کے دوران میزبان ارناب گوسوامی نے اپنے شو میں صحافی سے پاکستانی افواج کی جانب سے کی گئی جوابی کارروائی سے متعلق سوال کیا۔
میزبان کے سوال کا جواب دیتے ہوئے صحافی نے بتایا کہ کس طرح پاک افواج نے جوابی کارروائی کرتے ہوئے بھارتی افواج کو دھول چٹا دی۔
اس موقع پر میزبان نے پروگرام میں موجود مہمان اور سابق بھارتی ائیر مارشل سنجیو کپور سے بھی پاک افواج کی صلاحیتوں سے متعلق سوال کیا۔
سابق بھارتی ایئر مارشل سنجیو کپور نے جواب دیتے ہوئے پاک افواج کی تعریفوں کے پُل باندھ دیے۔
انہوں نے کہا کہ پاکستان بالکل ہماری جانب آئے گا، ان کی فوج بہت تگڑی ہے۔
سنجیو کپور کا مزید کہنا تھا کہ انہوں نے اپنے طور پر اس ہنگامی صورتحال کی تیاری کر رکھی تھی کیونکہ پاکستان کے پاس ایک پیشہ ورانہ اور بہترین مسلح افواج ہے۔
واضح رہے کہ گزشتہ شب بھارت کی جانب سے رات کی تاریکی میں کیے گئے بزدلانہ حملے کے نتیجے میں پاک افواج نے بھرپور جوابی کارروائی کرتے ہوئے بھارت کے 5 طیارے، 2 کمبیٹ ڈرون مار گرائے اور بھارتی فوج کا بریگیڈ ہیڈ کوارٹر بھی تباہ کردیا۔
لائن آف کنٹرول پر بھاری نقصان اٹھانے کے بعد بھارت نے مختلف مقامات پر سفید جھنڈا لہرا کر شکست تسلیم کرلی۔
