فرمان الہی
نماز کے اوقات
پیرس ( رضا چوہدری /نمائندہ جنگ )فرانس میں پاکستانی سفیر ممتاز زہرہ بلوچ کا کہنا ہے کہ پاکستان اور بھارت کی موجودہ صورتحال انتہائی خطرناک ہے، بھارت پرتشدد بیان دے رہا ہے ، پہلگام حملے سے کوئی تعلق نہیں ، بھارت ناکامیوں پر پردہ ڈال رہا ہے ۔ گزشتہ روز فرانسیسی اخبارات میں شائع ہونے والے ممتاز زہرہ بلوچ کے انٹرویو کے مطابق پاکستان اور بھارت کے درمیان صورتِ حال انتہائی خطرناک ہے۔انہوں نے کہا تھا کہ بھارت پُرتشدد بیان بازی کا استعمال کر رہا ہے، اس نے اپنی فوج کو چوکس کر دیا۔ اس نے اپنے لوگوں سے وعدہ کیا کہ وہ پاکستان پر حملہ کرے گا۔صحافی لوک میتھڈ سے بات چیت کرتے ہوئے انہوں نے کہا نئی دہلی کے اعلان کے مطابق آج (بدھ کو) عام شہریوں کے لیے دفاعی مشقیں ہوں گی۔
