فرمان الہی
نماز کے اوقات
کراچی ( اسٹاف رپورٹر)کرنسی مارکیٹ، انٹر بینک میں ڈالر کی قیمت 5 پیسے اور اوپن مارکیٹ میں11پیسے تک بڑھ گئی،یورو کی قیمت میں 1.01 روپے تک کی کمی،پاؤنڈ کی قیمت بھی 25پیسے تک گھٹ گئی،فاریکس ایسوسی ایشن کی جاری کردہ رپورٹ کے مطابق جمعرات کو روپے کے مقابلے پر انٹر بینک میں5 پیسے کے اضافے سے ڈالر کی قیمت خرید 281.50 روپے سے بڑھ کر 281.55روپے اور قیمت فروخت 281.70روپے سے بڑھ کر 281.75روپے ہو گئی۔ اوپن مارکیٹ میں ڈالر کی قیمت خرید9پیسے کے اضافے سے 281.41روپے سے بڑھ کر 281.50 روپے اور قیمت فروخت11پیسے کے اضافے سے 283.13 روپے سے بڑھ کر 283.24روپے ہو گئی۔ فاریکس رپورٹ کے مطابق یورو کی قیمت خرید 1.01 روپے کی کمی سے318.54روپے سے کم ہو کر 317.53روپے اور قیمت فروخت 75پیسے کی کمی سے 322.22روپے سے کم ہو کر321.47روپے ہو گئی ہے۔رپورٹ کے مطابق جمعرات کو برطانوی پاؤنڈ کی قیمت خرید 25پیسے کی کمی سے 374.50روپے سے کم ہو کر 374.25روپے اور قیمت فروخت 11پیسے کی کمی سے 378.97روپے سے کم ہو کر 378.86 روپے ہو گئی۔
