فرمان الہی
نماز کے اوقات
لاہور ایئرپورٹ کا فلائٹ آپریشن مختصر دورانیے کی بندش کے بعد پھر بحال کر دیا گیا۔
پاکستان ایئرپورٹس اتھارٹی کے مطابق لاہور ایئرپورٹ سہ پہر ساڑھے 3 بجے کے بعد سے پروازوں کےلیے دستیاب ہے۔
پاکستان ایئرپورٹس اتھارٹی نے بتایا کہ ملک کے دیگر ایئرپورٹس پر بھی فلائٹ آپریشن معمول کے مطابق جاری ہے۔
واضح رہے کہ لاہور ایئرپورٹ کو 2 بجے مختصر دورانیے کےلیے بند کیا گیا تھا۔
لاہور ایئرپورٹ کی بندش کے دوران مدینہ سے لاہور کی پرواز پی کے 728 کو کوئٹہ بھیجا گیا، ریاض سے لاہور کے لیے روانہ ہوئی پرواز ایکس وائی 317 کو واپس موڑ دیا گیا۔
علاوہ ازیں کراچی سے لاہور کےلیے روانہ نجی ایئر کی پرواز پی ایف 143 کو بھی واپس کراچی اتار لیا گیا تھا۔
لاہور ایئرپورٹ سے مختلف ایئرپورٹس کےلیے پروازوں کی روانگی بھی فوری روک دی گئی تھی۔
