فرمان الہی
نماز کے اوقات
پاکستان نے بھارت کے خلاف جوابی کارروائی کرتے ہوئے بھارت کی حکمراں جماعت بی جے پی سمیت کئی حساس اور کلیدی اداروں کی آفیشل ویب سائٹس ہیک کرکے حساس ڈیٹا ڈارک ویب پر برائے فروخت دستیاب کر دیا ہے۔
پاکستانی سائبر حملے میں بیشتر بھارتی ویب سائٹس کو ہیک کرکے ان ویب سائیٹس پاکستانی پرچم اور اللّٰہ اکبر کے نعرے بلند کئے۔
پاکستانی سائبر حملے میں بیشتر بھارتی ویب سائٹس کو ہیک کرلیاگیا ہے، جس میں کرائم ریسرچ انویسٹگیشن ایجنسی، بھارتی آسام رائفل، ماہا نگر ٹیلی کمیونیکیشن کمپنی لمیٹڈ، بھارت ارتھ موورز لمیٹڈ، آل انڈیا نیول ٹیکنیکل سپروائزری اسٹاف ایسوسی ایشن، ڈپارٹمنٹ آف اٹامک انرجی پورٹل کی ویب سائٹس شامل ہیں۔
ہیک کی گئی مزید ویب سائٹس میں انڈین ڈیفنس پروڈکشن، ہندوستان ایروناٹکس لمیٹڈ، بارڈر سیکیورٹی فورسز، الہاس نگرمیونسپل کارپوریشن بھی شامل ہیں جبکہ یونیک آڈنٹیفیکش اتھارٹی آف انڈیا اور انڈین ایئرفورس مہاراشٹرا کا ڈیٹا حاصل کرلیا گیا ہے۔
پاکستانی سائبر حملے میں بھارت کی ہیک کی گئی سائٹس کا مکمل مواد اُڑا دیا گیا ہے جبکہ انڈین ڈیفنس پروڈکشن ویب سائٹ کا حساس ڈیٹا ڈارک ویب پر فار سیل کر دیا گیا ہے اور بھارتی ویب سائٹس پر انڈین دہشتگردی کے ثبوت، بھارت دہشتگردی کی آماجگاہ ہے لکھا گیا ہے۔
ذرائع کا کہنا ہے کہ مہاراشٹر اسٹیٹ کے تمام کمرشل اور ڈومیسٹک میٹرز کا بھی ریکارڈ اُڑا دیا گیا ہے جبکہ 2500 سے زائد سرویلنس کیمرے بھی ہیک کرلیے گئے ہیں۔
سائبر اٹیک کے ذریعے بھارت کے 70 فیصد بجلی فیڈرز کے گرڈ کو بھی ناکارہ کردیا گیا ہے۔
واضح رہے کہ آج صبح بعد از نمازِ فجر پاکستان نے بھارتی جارحیت کے خلاف جوابی کارروائی کرتے ہوئے ’الفتح میزائل‘ کی لانچ کے ساتھ آپریشن بنیان مرصوص کا آغاز کر دیا ہے۔
بنیان مرصوص کا مطلب آہنی دیوار ہے جبکہ پاکستانی ’الفتح میزائل‘ کی لانچ بھارتی جارحیت کا نشانہ بننے والے شہید پاکستانی بچوں کے نام کر دی گئی ہے۔
پاکستان کی عسکری قیادت نے فیصلہ کیا کہ بھارت نے اب مزید جارحیت کی تو اس کے ہائی ویلیو زونز کو نشانہ بنایا جائے گا، ہائی ویلیو زونز میں بھارت کے اقتصادی اہداف بھی شامل ہیں۔
بھارت میں آدم پور، ادھم پور، بھٹنڈا، سورت گڑھ، مامون، اکھنور، جموں، سرسہ اور برنالہ کی ایئر بیسز اور فیلڈز کو تباہ کردیا گیا۔ بیاس اور نگر وٹا میں براہموس اسٹوریج سائٹس، پٹھان کوٹ میں ایئر فیلڈ، سپلائی ڈپو ’اُڑی‘، بھارتی بریگیڈ کوارٹر جی ٹاپ و دیگر تباہ کردیے گئے۔
بھارت میں مختلف ایئربیسز کے علاوہ پاکستان کے جے ایف 17 تھنڈر نے ایس 400 میزائل دفاعی نظام کو بھی تباہ کردیا۔
