فرمان الہی
نماز کے اوقات
فرانس میں مقیم پاکستانی اور کشمیری کمیونٹی نے پاکستان اور بھارت کے درمیان جنگ کے دوران افواجِ پاکستان اور پاک فوج کے شاھینوں کی بے مثال کارکردگی، بھارتی جارحیت کا منہ توڑ جواب دینے اور آپریشن بنيان مرصوص کی کامیابی پر یومِ تشکر اور جشن منایا۔
پاکستان مسلم لیگ ن فرانس کے جنرل سیکریٹری رانا محمود علی، تصویر حسین تارڑ، راجہ اشفاق احمد، خان اصغر خان صدر یوتھ ونگ، چوہدری شہباز کسانہ، عصمت گوندل، راجہ علی، ملک ارشاد احمد، چوہدری محمد حسین، کشمیری رہنما مرزا آصف جرال اور راجہ ابرار حسین نے اس موقع پر اپنے خیالات کا اظہار کرتے ہوئے کہا کہ اللّٰہ تعالیٰ کے خصوصی فضل و کرم سے ہماری مسلح افواج نے بھارتی وزیرِ اعظم کے غرور و تکبر کو خاک میں ملا کر رکھ دیا۔
شرکاء نے جنگ کے دوران اوورسیز پاکستانیوں کو لمحہ بہ لمحہ حقائق پہنچانے پر پاکستانی میڈیا کی کارکردگی کو سراہا۔
اس موقع پر معروف نعت خواں حافظ معظم نے خصوصی دعا کرتے ہوئے اس کامیابی پر اللّٰہ تعالیٰ کا شکر ادا کرنے کے ساتھ ساتھ ملک پر جان نثار کرنے والوں کے لیے بھی دعا کروائی، اس موقع پر ایک دوسرے کو مٹھائی بھی کھلائی گئی۔
